PAGBIGYAN natin ang reklamo ng mga senior citizen sa kaharian ni Taguig Mayor Lani Cayetano kaugnay ng talamak na bentahan daw ng shabu sa siyudad.
Kaya kung nagbabasa man si Mayor Cayetano, ng pahayagang Remate o kung hindi man ay kahit ang mga constituent nito na nakabasa, mangyari ay pakibanggit lang kay mayora na baka dumating ang araw, ‘pag hindi niya ito mabigyan-pansin, na malulong na ang lahat ng mga kabataan sa kanyang teritoryo.
Mayor Cayetano, pakibasa lang ang reklamo ng mga senior citizen ninyo.
“Gud day po, Sir Johnny, please help us, mga senior citizen po kami.
“Pakipanawagan po ‘yung super shabu tiangge rito sa No.13 Kalayaan St., Ususan, Taguig. Naliligalig kami rito dahil buwan-buwan ay may patayan sa aming lugar.
“Sana, Sir Johnny, sa pamamagitan ng inyong kolum ay pakipaalam lang ninyo kay Mayor Lani Cayetano ang tungkol sa lumalalang bentahan ng shabu (tobats) sa Taguig.
“Nangangamba kami na baka dumating ang araw ay maging drugs zone na ang Taguig dahil sa parang ‘kendi’ lang na binibili ang shabu rito.
“Walang “silbi” ang pamunuan nina Taguig chief-of-police Supt. Arthur Asis at aming barangay kapitana rito.
“Araw at gabi ang bilihan ng shabu rito at buong Taguig dito kumukuha sa Kalayaan St., Ususan.
“Salamat po.”
VK SA LAS PIÑAS HINDI MATINAG
Waepek, ang ginagawa nating pagbanat sa sangkatutak na vk ni John Miranda sa Las Piñas.
Hindi kumikilos si Las Piñas Chief-of-Police Supt. Adolfo Samala para patigilin ang untouchable na mga inilatag na vk ng nasabing operator.
Bakit hanggang ngayon ay namamayagpag pa rin ang mga vk sa siyudad.
***
Anomang reklamo o puna ay i-text lang sa 09189274764, 09266719269 o i-email sa juandesabog@yahoo.com. JUAN DE SABOG/JOHNNY MAGALONA
