BIRTHDAY ni Jose Rizal sa June 19 at happy birthday rin kay Rizalina, isa kong classmate, at ganoon din sa mga taong hindi ko kilala, katulad ni Rizal Ali.
Noong grade school pa ako, may tula kami: Kaunting buhangin, kaunting bato, kaunting semento, monumento.
Ang monumento ni JR sa Rizal Park ang kasalukuyang sentro ng kontrobersiya dahil sa itinatayong hotel na Torre de Manila makalagpas ng Taft Ave., makalagpas ng Philippine Normal University at ng Collegio de Sta. Isabel.
Galit na galit ang mga taga-Historical Commission dahil nakaharang daw ang view ni Rizal kung kukunan siya ng litrato sa harap ni JR.
Sa gilid ni Rizal ay naroon ang bagong Manila Hotel, skycraper na nakaharang kay JR kung sa kaliwa ka titingin. Sa kanan naman ay nakaharang ang marami pang hotel katulad ng Eton, Luneta Hotel at Philippine Pavilion.
Siyempre, eyesore rin ang National Library, ang fastfood chains na naglipana sa Rizal Park, Department of Tourism building at Museum.
Kung titingin ka naman magmula sa monumento ni Rizal ay makikita mo ang Quirino Grandstand na lalong nakasisira sa view dahil hinaharangan nito ang pinagmamalaki nating Manila Bay Sunset.
Walang reklamo rito ang Historical Commission.
Wala ring reklamo ito sa kaso ni Andres Bonifacio na kung saan nakaharang sa monumento ang elevated road ng North Expressway.
At wala rin silang reklamo sa posibleng pagdaan na ng Light Railway Transit (LRT) sa Monumento, ang sikat na monumento ni Bonifacio sa panulukan ng Rizal Ave. at EDSA papuntang north.
Pero balik tayo kay JR. Bakit ba naroon ang monumento ni Pangulong Cory at ni Senador Ninoy sa kanan ng Rizal Park kung nakaharap ka sa Mania Hotel?
At bakit ‘di gibain ang monumento ng isang Kastila o Espanyol na sumakop at tinuring tayong mga alipin?
At bago ko makalimutan, bakit naroon ang Ocean Park na malapit lang sa Quirino Grandstand at Rizal Park? DEEP FRIED/RAUL VALINO
