HINDI sumipot sa Club Filipino ang mga Aquino sisters sa proklamasyon ni Mar Roxas bilang standard bearer ng Liberal Party.
Ang nag-proclaim ng kandidatura ni Mar sa pagka-Pangulo ay walang iba kundi ang kanilang kapatid na si Noynoy na kung tawagin nila ay PNoy.
Naroon sa proklamasyon si Korina Sanchez Roxas, misis ni Mar, pero bakit wala roon maski na ang kapamilya niyang Kris? Sulian na ba ito ng kandila sa dalawang magkaibigan na ito?
Close na close noon sina Kris at Korina, lalo na nang kumalat ang bulong-bulungan na si Korina at si Noynoy ay magsyota na. Si Korina na ang misis ni Mar ngayon. Parang changing partners, ayon sa kantang Tenessee Waltz.
Nasaan si Kris at ang iba pang mga kapatid ni Noynoy nang kumandidato si kuya sa pagka-Pangulo ka-tandem si Mar? Ano ang nangyari sa Noy-Mar tandem?
Ang nanalo sa eleksyong iyon ay ang Noy-Bi (Noynoy-Binay) tandem na sinasabing sinuportahan ng mga Aquino sister.
Nagwagi rin sa pagka-mayor ng Makati ang anak ni Jojo Binay na si Junjun.
Mag-bestfriend ang mga Aquino at mga Binay. Mas higit pa kaya sa bestfriend ang turingan nina Kris at ni Junjun?
Wala namang masama kung ganoon man ang turingan nila sa isa’t isa. Pareho silang unattached, ‘ika nga.
May mga natatawa lang sa mga usapang ito. Si Junjun ay mayor. Ang dating ka-live-in ni Kris ay si Joey Marquez na dating mayor ng Parañaque.
Kumpirmado ring nagkaroon ng kaugnayan sina Kris at Herbert Bautista na mayor ng QC.
Itong weekend na ito, si Kris daw ay botante na ng Quezon Ciy at hindi na ng Makati. Ano kaya ang kinalaman nito sa lovelife ni Kris?
Kawawang Mar. Kawawang Korina. Tuloy pa rin yata ang Noy-Bi tandem. Secret, sabi ni VP Binay nang matanong siya kung susuportahan pa rin kaya siya ni Noynoy. DEEP FRIED/RAUL VALINO
