HABANG papalapit na ang 2016 national elections ay sinasamantala naman ng mga video-karera (VK) operator ng Caloocan City ang paglalatag ng sangkatutak na mga makina sa nasabing lungsod.
Katunayan, sa Caloocan Proper ay malayang nailatag ni alyas Nognog ang sangkatutak na VK nito sa bawat barangay dito.
Palibhasa, bayaw at kasosyo na rin niya ang isang nagngangalang Maj. Mendoza kaya mabilis niyang naikalat ang mga makina sa mga Bgy. Proper, Caloocan.
Ang mga barangay na hinihinalang nilagyan ni Nognog ng mga VK ay Bgy. 12, 14, 19, 26, 27, 28, 118 at Bgy. 131.
Para lalong maging malakas ang puwersa ng pag-ooperate ng mga VK ni Nognog at ni Maj. Mendoza ay sinosyo rin nila ang isang alyas Maj. Mendez at isang Dick Malapitan na umano’y kaanak ni Caloocan Mayor Oca Malapitan.
Kung magagawi naman kayo sa Bukid Area, Caloocan City ay mabubungaran ninyo ang sandamukal naman na video-karea ng mga pulis gaya ng isang Col. Ariza na may mga batang sina Florentino na may 8 VK, Ambatang – 7 VK, Madrid – 5 VK sa Bukid Area, Bagong Silang, Caloocan City.
Alam n’yo bang mahigit sa 100 na makina ang nakalatag ngayon sa Camarin at Bagong Silang na ino-operate nina alyas Val, alyas Lotlot, alyas Otep at mga pulis?
Ano kaya ang ginagawa ni Caloocan City chief-of-police S/Supt. Bartolome Bustamante at bakit naikalat ng mga kumag na ito ang mga VK sa teritoryo niya?
Aksyon, colonel.
NAGKALAT NA VK, MAY GO-SIGNAL BA?
Namamayagpag pa rin ang mga video-karera ni Rico ng Rizal.
Totoo bang may go signal ni Mayor Timmy Chipeco sa mga VK ni Rico sa Rizal? Kung wala ay bakit hindi ipahuli ni mayor?
Oo nga, heheheheh!
***
Anomang reklamo o puna ay i-text lang sa 09189274764, 09266719269 o i-email juandesabog@yahoo.com. JUAN DE SABOG/JOHNNY MAGALONA
