SA San Miguel, Bulacan ay lantaran ang operasyon ng sandamukal na video-karera (VK) ng maglolong sina alyas Boytik at Jay na nagpapakilalang tiyuhin at pamangkin sila ni Supt. Rolando Miranda na chief-of-police ng Baguio City-PNP.
Grabe ang lawak ng pinaglatagan nila ng mga makina sa San Miguel dahil ultimo ‘yung pinakanugnog na pook sa bayang ‘yan ay natamnan na nila ng kanilang mga salot na VK.
Ang ipinagtatakhan ko lang dito ay kung bakit hindi kumikilos si San Miguel chief of P/Supt. Nathaniel Genegaling Villegas at paghuhuliin ang salot na mga VK ng maglolong Boytik at Jay.
Ang tanong: bakit hindi hinuhuli ni cop ang mga VK ng maglolo?
Dahil ba sa kamag-anak sila ni Supt. Miranda o baka naman may tongpats siya kaya ganoon na lang kalakas ang mga ito?
Ang matindi pa rito, pati si San Miguel Mayor Roderick de Guzman Tiongson ay parang ‘inutil’ na rin sa kanyang puwesto dahil hindi niya nakikita na pinamumugaran na ng mga salot na VK ng maglolo ang bayan niya.
Ano kaya ang aksyon dito ni Bulacan PD Supt. Fernando Divina kaugnay ng nagkalat na mga makina ng maglolo?
Kapag hindi pa umaksyon sina Mayor Tiongson, Supt. Villegas at PD Supt. Divina ay heto na ang time na dapat ng kumilos si PNP chief Gen. Ricardo Marquez.
Aksyon hindi lagay!!!!
KTV BAR NA MARAMING PROSTITUTE
Namamayagpag na naman ang XTV KTV Bar sa Macapagal Blvd., Pasay City.
Ang XTV KTV Bar ay ‘yung bar na kamakailan lang ay ni-raid ng Pasay City Police pero hindi pa yata nakararating sa presinto ang mga raiding team ay nakawala na ang mga prostitute na nagtatrabaho sa KTV bar.
Ni-raid ang KTV Bar na ito dahil sa nag-o-operate ito nang walang busines permit at nahulihan din sila ng mga Chinese prostitute pero ang nakakapagtaka ay laging binibigyan ng business permit ng BPLO.
Siguro napakaseseksi ng mga prosti! Ehehehehehehe!
***
Anomang reklamo o puna ay i-text lang sa 09189274764, 09266719269 o i-email juandesabog@yahoo.com. JUAN DE SABOG/JOHNNY MAGALONA
