KAMAKAILAN ay nagdaos ng halalan para sa bagong hanay ng mga opisyales ang Overseas Placement Association of the Philippines na isa sa pinakamalaki at respetadong grupo ng mga lehitimong recruitment agencies sa bansa.
Matagal nang kilala ang grupong ito sa pagtataguyod ng interes at pagbibigay proteksyon hindi lang sa placement owners kundi maging sa ating mga Overseas Filipino Worker.
Pero nitong nakaraang mga taon ay hindi naging masyadong aktibo ang OPAP sanhi na rin ng iba’t ibang kadahilanan.
Kaya naman sa pagpasok ng bagong liderato ngayong taon ay ipinangako nila na muli nilang pasisiglahain at gagawing aktibo ang OPAP at gaganap din ito ng mahalagang papel upang isulong ang kapakanan ng OFWs at siyempre ng lehitimong placement agencies din.
Dahil dito, binabati ko ang mga bagong halal na opisyal ng OPAP para sa 2015 hanggang 2017 sa pangunguna ni Ms. ACELA C. QUIBRANTAR ng YWA Human Resources Corp na nahirang na Chairman of the Board.
Pangulo naman si Ms. ALICIA B. DEVULGADO ng ABD Overseas Manpower Corp. samantalang si ALEX P. QUILLOPE ng APQ Ship Management Co. ang bagong EVP para sa sea-based recruitment agencies.
Si ROMEO P. NACINO ng Pert/CPM Manpower Exponents Co., Inc. ang bagong VP for Legal Affairs at si MERIAM G. SIBBALUCA ng Transnational Services, Inc. ang bagong EVP para sa land-based recruitment agencies.
Ang ibang nahalal na opisyal ay sina MA. BULAKLAK G. ORMASA, VP for Internal Affairs, at BOBBY RICOHERMOSO, VP for External Affairs. Si Bobby ay Vice President ng MAB Int’l. Services, Inc. at Director din ng National Press Club of the Philippines.
Nahalal din si LORENA M. LASALA ng LML Human Resources Services bilang VP for Marketing and Development at FLORIDA Z. JOSE ng Falcon Maritime and Allied Services, Inc.
Ang iba pang opisyal ay sina NOEL E. HERNANDEZ ng Mot-Barko Manila, Inc. bilang Treasurer, AZIZZA T. SALIM ng Azizzah Int’l Manpower Services bilang Assistant Treasurer, AIREN M. GALLO ng Sky Resources Exchange Corp. bilang Auditor, FRACISCA G. BERTULFO ng Strategic Int’l. Manpower Services bilang VP for Education and Training. Kasama rin si YASMIN Z. MADANI ng 99 Manpower Services Corp. bilang Board Secretary at JOSEPHINE L. KADIR ng GBMLT Manpower Services, Inc. bilang VP for Finance.
Dahil sa mga bagong opisyal na ito ay tiyak na muling aarakangda ang OPAP para itaguyod, palakasin at linisin ang hanay ng recruitment industry sa bansa. OPEN LINE/BOBBY RICOHERMOSO
