SA ambush interview sa abogado ni Sen. Grace Poe na si Atty. George David noong Oct. 10, 2015 ay ipinaliwanag niya ang International Law ukol sa mga statelessness.
Sinabi ng abogado na walang stateless person sa International Law at sa debate sa 1935 Constitution ay walang stateless person sa Pilipinas. Kahit pa napulot lang ang isang bata ay dapat may nationality ito.
Hindi raw pwedeng balewalain ang international law dahil ito ay bahagi ito ng ating batas kahit hindi mo i-ratify, kahit hindi ka pumirma dahil ito raw ay bahagi na ng ng domestic law.
Kahit daw sa panahon ng tatay ni senadora na si FPJ, ibabase mo ang Constitution sa kung saan ipinanganak ‘yung tao.
Kaya kung 1968 daw ipinanganak si Sen. Poe, ang kinakailangan na gamitin mo doon ay ‘yung 1935.
Sa COC ay inamin naman ng kampo nila na nagkamali sila. ‘Di bale na raw magkamali sila huwag lang na magsinungaling.
Kung nagkamali man sila, ayon pa kay Garcia, ang ibig-sabihin ba daw ay dapat ay magkamali pa rin sila sa 2015 filing ng COC?
Kaya nga sa pangalawang pagbalik ni Sen. Poe ay na-enroll na niya ang mga anak niya sa Pilipinas, bumili na sila ng condo, naghanap na sila ng buyer sa America ng bahay nila, etc.
Ang dapat doon ay kina-count na ang residency.
Hindi rin niya naisama ang Sept. 2012 to May 2013 na dapat daw na sinama niya. Kaya doon ay gumawa raw ang COMELEC ng bagong Certificate of Candidacy na binago nila ang wordings at ginawa na nilang up to May 2016.
‘Yun ang mali ni Poe, hindi niya naisama ‘yun nung 2013. Honest mistake raw ‘yon.
Sa ambush interview naman kay Sen. Poe, sa lahat daw na sinabi ni Atty. Estrella Elamparo, ang pinakamasakit ay nang sabihin siyang walang estado o stateless.
Ganunpaman, masaya pa rin siya sa mga naging resulta ng depensa nila na ipinakikita nila na pawang katotohanan naman at hindi iniimbento ang kanilang mga ebidensiya.
***
Anomang reklamo o puna ay i-text lamang sa 09189274764, 09266719269 o i-email juandesabog@yahoo.com. JUAN DE SABOG/JOHNNY MAGALONA
