NANGANGANIB daw ang buhay ngayon ng isang broadcaster/columnist na si Rex Cayanong matapos na makatanggap siya ng isang death threat mula sa isang alyas Totoy na hinihinalang gunman ng mga gambling at drug lord na kanyang binabanatan sa kanyang programa sa DWAD 1098 KHZ AM.
Katunayan, bilang pagtitiyak ni Cayanong sa kanyang seguridad ay nagpa-police blotter siya sa Taytay Police Station dahil sa natanggap nitong mensahe na isa siya sa mga mediamen na tinatarget ngayon na likidahin ng sindikato dahil sa walang habas niyang binabanatan ang mga ito sa programa niya sa radyo.
Ayon kay Cayanong, napansin niya habang nagmamaneho siya ng kanyang sasakyan ay may ‘riding-in-tandem’ na sunod nang sunod sa kanya at kahit saan siya sumuot na kalsada ay nakabuntot pa rin sa kanya ang hindi pa nakikilang riding-in-tandem.
Ayon pa kay Cayanong, bukod pa roon ay tinimbre rin sa kanya ng isang kasamahan sa media na isa siya sa mga tinatarget na lilikidahin ng isang big-time player na hanggang ngayon ay hindi pa kilala ni Cayanong kung sino itong nakabangga niya.
Ayon pa sa broadcaster/columnist, ang huli niyang binabanatan sa kanyang programa sa DWAD Radio ay ang patuloy na pamamayagpag ng mga drug lord sa loob ng National Bilibid Prisons.
Abay, kung totoo mang may banta sa buhay ni Cayanong ay hindi dapat ito balewalain ng National Bureau of Investigation (NBI), Philippine National Police (PNP) at iba pang mga law enforcer.
Huwag na nating hintayin pang may malagas muli sa hanay ng mamamahayag.
Ganu’n ‘yun!
Hehehehe, tangna n’yo.
TALAMAK NA MGA VK SA BULACAN, BULACAN
Sa Bulacan, Bulacan isang alyas Gil ang may nakalatag ng mahigit sa 200 makina (VK) sa mga baryo sa nasabing bayan.
Walang ginagawang aksyon si Bulacan, Bulacan chief-of-police Supt. Gerardo Almario Andaya laban sa mga VK ni alyas Gil.
Magkano ba ang ligguhang ‘delihensiya’ ni Supt. Andaya?
o0o
Anomang reklamo o puna ay i-text lang sa 09189274764, 09266719269 o i-mail juandesabog@yahoo.com. JUAN DE SABOG/JOHNNY MAGALONA
