TUMANGGAP ang Manila Water ng anim na parangal sa ginanap na ika-14 Philippine Quill Awards na binuo ng International Association of Business Communicators Philippines na ginanap kamaikailan sa Marriott Grand Ballroom, Newport City.
Nakuha ang Top Award sa Communication Management ng programang “Lingap Para sa Katutubo: Satisfying the Thirst for Clean Water Supply in Boracay’s Ati Community,” ng Manila Water Foundation at Boracay Water. Ang programa ay ukol sa pagbibigay ng malinis at maiinom na tubig sa komunidad ng Ati sa isla ng Boracay.
Ang programa ay tumanggap din ng Quill Award of Excellence sa kategorya ng Corporate Social Responsibility.
Samantala, panalo din ang “Beyond Borders: The Annual Stockholders’ Meeting Video” ng Manila Water Advocacy at Research Department ng Quill Award of Excellence sa kategorya ng Audio-Visual. Wagi rin ang “Water Trail Video: The Miracle of Nature and Science” ng Merit Award sa parehong kategorya.
Ang programang “Customer Care Challenge: Manila Water’s Abot-Kamay ng Barangay” ng East Zone Business Operations ay pinarangalan din ng Quill Award of Merit sa kategorya ng Customer Relations.
Pasok din ang “The Yangon Water Summit: Reforming Yangon’s Water Sector through PPP” ng Manila Water Asia Pacific na nakakuha ng Merit Award sa Government Relations category.
Ang taunang Quill Awards ay prestihiyoso at kinikilala na nagbibigay parangal sa larangan ng business communications at public relations kung saan binibigyang pugay ang mga natatanging programang pasok sa pamantayan ng highest global standard ng business communications practices. ANG INYONG LINGKOD/HILDA ONG
