MAGANDANG balita na muli ay isinusulong ni Congressman Jesulito Manalo ng ANGKLA Partylist ang panukalang batas na naglalayong magpe-penalize sa colorum operation sa bansa at gawin na itong criminal case.
Noong June 30, 2016 ay nag-file na ng kanyang bill si Rep. Manalo – “An act penalizing persons found to be operating or owning motor vehicles identified as colorum, and for the purposes.”
Ang nasabing bill ay naglalahad ng iba’t ibang definition ng colorum operations sa anim (6) na different acts, na kahit ‘yung mga may hawak na valid franchises ay pwedeng kasuhan ng kolorum case kung nag-o-operate sila sa labas ng kanilang authorized routes na kung wala naman silang special permit na mag-operate sa labas ng kanilang ruta ng prangkisa.
Ang isang matinding probisyon sa proposed bill ni Cong. Manalo ay ang pagturing na kriminal ang pag-operate ng mga kolorum na pampasaherong sasakyan.
At hindi lang ang driver ang may kasalanan, kundi ang mga operator din. Kaakibat din sa bill ng Angkla PL na ang pagmamaneho ng kolorum ay magreresulta sa ibang pang criminal offenses na nakasaad naman sa Revised Penal Code on “Aggravating Circumstances” at ang pagpataw ng multa na hindi bababa sa P200,000 hanggang isang-milyong piso.
Suportado ko ang magandang panukalang batas na ito ni Cong. Manalo ng Angkla Partylist. Sana ay abangan natin ang pag-usad nito sa Kongreso.
Si Cong. Manalo ay sikat na transport lawyer at natutuwa ako na kanyang muling isinusulong ang usapin na ito sa pamamagitan ng pag-refile ng kanyang bill para sa 17th Congress.
Sana lang ay maging ganap na batas na ang House Bill na ito ng Angkla sa lalong madaling panahon. Confident ako na maraming magiging supporter na Kongresista ang house bill na ito.
Bilib ako sa holistic approach ng bill na ito na naglalayong magtanggal sa lahat ng mga colorum operation sa bansa.
Samantala, habang susubaybayan natin ang pagkilos ng bill na ito, sana ay muli nang pag-aralan ang mga ruta para sa public transportation at nang masagot naman ang problema ng kakulangan ng mga serbisyo para sa ating mga mananakay.
oOo
Mag-email ng reaksyon sa ariel.inton@gmail.com o kaya’y mag-text sa 09178295982 o 09235388984. SIBOL/ATTY. ARIEL ENRILE-INTON
