PALPAK si Trade and Industry Secretary Ramon Lopez dahil pinanatili niya ang mga opisyal sa Department of Trade and Industry (DTI) na pawang mga sagad-saring kontra-Duterte.
Sabi ni Juanito Galvez, chairman ng Filipino Consumers Federation (FCF), hindi tamang panatilihin bilang mga undersecretary sa DTI sina Nora Terado, Ceferino Rodolfo, at Victorio Dimagiba.
Ang tatlong ito ay solidong sumuporta kay Manuel “Mar” Roxas II at hayagang kumontra sa kandidatura sa pagkaPangulo ni Rodrigo Duterte, tugon ni Galvez.
Si Terado ay recruit ni dating DTI Sec. Gregory Domingo. Si Rodolfo naman ay protégé ni dating DTI Sec. Adrian Cristobal, Jr. na kanang kamay ni Roxas noong kalihim pa ito sa DTI.
Si Dimagiba ay isinusuka ng maraming tao, sapagkat maraming kapalpakan ito tulad ng hindi niya pagbuwag sa mga kompanyang sangkot sa pyramiding scheme at kawalan nito ng aksyon sa reklamo laban sa Mitsubishi Montero Sport hinggil sa sudden unintended acceleration (SUA) nito.
Ayon kay Galvez, napakarami ring reklamo kay Dimagiba tungkol sa pag-apruba niya sa mga produktong hindi pasok sa standard o pamantayan na itinakda ng DTI na makapeperwisyo sa kalusugan ng mga mamimili, o ‘di kaya ay nadaraya na ang mga mamimili.
Sa panahon ni Dimagiba, nagmistulang baha na mabilis na kumakalat at tumataas na tubig ang pag-iral ng mga semento, bakal, kuryente, at plywood sa merkado na pawang taliwas sa standard ng DTI.
Idiniin ni Galvez na “The industrial sector is finding it hard to compete against businessmen who do not follow the regulations of DTI since Dimagiba is even aiding the illegal proliferation of substandard products in the country.”
Kapag hindi tinanggal ni Lopez sina Terado, Rodolfo, at Dimagiba ay tiyak na walang paroroonan ang DTI dahil itutuloy nito ang palpak na “Daang Matuwid” ni Noynoy Aquino at Mar Roxas.
Sa gayon, hindi makatutulong ang DTI sa pamumuno ni Lopez, kasama ang tatlong palpak na kontra-Duterte, sa pagbabagong isinusulong ni Pangulong Duterte.
Sabi ni Galvez, sana magising si Ramon Lopez sa katotohanang “there are still wolves in sheep’s clothing among the ranks of DTI stalwarts and there are still others who are more than capable and qualified to support and continue President Duterte’s goal of improving the lives of the Filipino people.”
Tama ang punto ni Galvez, hindi dapat mabulag si Ramon Lopez sa maling paniniwala na sina Terado, Rodolfo, at Dimagiba ay makatutulong sa kanya, sa partikular, at sa DTI, sa pangkalahatan.
Sec. Ramon Galvez, napakaraming mas mahusay at siguradong makatutulong sa iyo at sa administrasyong Duterte.
Sir Galvez, kung talagang pabor ka sa pagbabagong isinusulong ni Pangulong Duterte, kumuha ka ng mga undersec-retary na protektor at taga-pagtanggol ng mga mamimili. Hindi iyong pumapabor sa mga negosyanteng nandurugas sa mga mamimili.
xxx
Problema at reaksyon n’yo, itawag sa: 09985650271 o mag-email sa: sulongbade@yahoo.com. BADILLA NGAYON/NELSON BADILLA
