AKTIBO ang mga sangay ng United Nations sa pagsubaybay ng mga nangyayari sa bansa nitong nagdaan na mga araw.
Nakatutok ang UN Human Rights Watch sa atin dahil sa pagpatay sa mga sangkot sa iligal na droga.
Sinundan naman ito ng paglalarawan ng Times Magazine na naglalarawan sa Pangulo na nakatutok ang kanyon sa isang mansanas na may “UOD” at tila nagsasabing maliliit lang ang target na napapatay.
Isama natin ang inilabas ng British Broadcasting Corp. tungkol sa nakapanayam nilang Filipina na umano ay “hitman” o “hired killer.”
Kamakailan din, may naglabasang larawan sa pahayagan at social media na grupo ng mga Amerikano (daw) na nagrali sa harap ng Philippine Embassy sa Washington DC na may mga placard na “STOP EXTRAJUDICIAL KILLINGS IN THE PHILIPPINES!”
Totoo at hindi maitatago na sapul nang maupo sa PEOPLES’ PALACE (Malacañan) si Pangulong RODRIGO ROA DUTERTE, umabot na sa mahigit isang libo ang napatay na mga sangkot sa iligal na droga.
Ngunit kalahati lang doon sa mga napatay ang sangkot ang Pambansang Pulisya at ang iba ay gawa ng mga hindi kilalang grupo – vigilantes – na walang karapatang pumatay, iligal at may pananagutan din sa batas!
Alalahanin na noong panahon ng kampanya bago ang May 9, 2016 elections, malinaw na prayoridad ni Pangulong RODY ang pagwasak sa iligal na droga. Sa bawat bitiw ng kanyang pangako sa kampanya, may kasamang mura at banta siya sa mga iligalista.
Nang matapos ang eleksyon, halos 17-milyon ang nakuha niyang boto. Ibig-sabihin, tinanggap siya ng mayorya ng mga Filipino. Alam nila kung gaano kalala ang krimen dala ng bawal na gamot, ang SHABU at mga kauri nito.
Ang mga pulis noong bago dumating si KA DIGONG ay nagsabi mismo, “takot silang galawin ang mga sangkot sa droga dahil malalaki ang kanilang mga protektor hindi lang mga opisyal ng PNP kundi sa administrasyon ng nagdaan mismo! Punyeta!
Nagsulputan ang mga kritiko ng DUTERTE ADMINISTRATION kontra “extra judicial killings” at “violation of human rights” daw. Pero nang tanungin sila ni SENADOR RICHARD GORDON kung bakit ni isa sa mga kritikong ito ay walang ginawa noong panahon nila sa Malacañan – WALANG SUMAGOT.
Obvious, pulitika ang lahat para matakpan ang pagiging inutil ng nagdaang administrasyon kontra iligal na droga. Sila ang nagpapakalat ng maling balita sa UN at dayuhang grupo kasama na ang US CENTRAL INTELLIGENCE AGENCY! BALETODO/ED VERZOLA
