MAYROON na namang susubaybayan ang taumbayan na mala-telenobelang iringan: Ang love affair nina Commission on Elections (COMELEC) Chairman Jose Andres Bautista at misis nitong si Patricia “Tisha” Cruz Bautista.
Ang mala-telenobelang love affair ng mag-asawa na pinaghiwalay ng tadhana dahil sa mga personal isyu na may kaugnayan sa pulitikal na interes at pera na ‘di kalaunan ay nauwi sa “hiwalayan blues.”
Pero ang hiwalayan blues nina Andy at Tisha ay matagal nang alam ng kanilang mga amiga at amigo dahil iniwanan ni Tisha si Andy at apat na anak nito para magsimula muli ng bagong buhay sa kinakasamang si Alvin Lim.
Ayon sa source, kahit na hiwalay na ang dalawa ay patuloy na binubuliglig ni Tisha si Andy para bigyan ng financial support o sustento para mamuhay nang marangya, kapiling ang bagong kinakasamang modelong boyfriend.
Huwag ka, sa kabila ng pakikipagrelasyon ni Tisha, tutol ang mga magulang nito sa arrangement ng mag-asawa dahil kahit mismo ang mga magulang niya ay kampi kay Andy.
Katunayan nga, sinabihan pa nila si Andy na huwag na niyang bigyan ng pera ang kanilang anak dahil may ibang kinakasama na ito.
Talaga namang hindi pupwede ‘yun sa dahilang mismo si Tisha ang kusang nakipaghiwalay kay Mang Andy upang makisama nga kay Lim.
Ayon sa source, dahil sa pagkadesperada na ni Tisha at wala na siyang makapitan ay nakipagkita umano ito sa kampo ni dating Sen. Bongbong Marcos para ibulgar ang tagong yaman ni Andy dahil tanging si Bongbong lamang ang huling alas nito para magpatuloy ang luho ni Tisha.
Siyempre malaking balita ‘yan kaya kinagat ng mga Marconian ang isyu na ibinabato ni Tisha sa dating mister nitong si Andy na kumbaga ay ginagawang “milking cow o gatasan” ngayon ni Tisha sa BBM.
Parang lalong mapalakas ang isyu, maging si Pangulong Duterte ay pilit na kinalaladkad sa mala-telenobelang love affair ng mag-asawa.
‘Yun nga lang “hands off” si Digong sa away mag-asawa.
COP NA WALANG GINAWA KONTRA ILLEGAL GAMBLING
Tuloy-tuloy pa rin ang operasyon ng puwesto pijo na color games na punom-punong ng illegal na pasugalan nitong si Bigtima Roy sa Bagong Silang, Caloocan City ni hindi man lamang kumikilos ang pulisya ng nasabing lungsod.
Walang ginagawang aksyon si Caloocan chief of police Supt.Chito Bersaluna kundi tumayo at umupo lang sa malamig na opisina nito…
oOo
Anomang puna o reklamo i-text sa 09189274764,09266719269 o i-email sa juandesabogyahoo.com. JUAN DE SABOG/JOHNNY MAGALONA
