ANG isang dahilan kung bakit halos dalawang beses na pina-postpone ni Pang. Rodrigo Duterte ang halalan sa barangay ay ang pangamba niya na baka magsipagwagi ang mga kandidatong iligalista.
Iligalista ang mga taong sa masamang paraan o galing sa iligal nanggaling ang kanilang limpak-limpak na salapi.
Kapag kumandidato ang isang iligalista, 100 porsyentong perang ipanggagastos niya sa eleksyon ay “dirty money” para masiguro nga naman ang kanyang pagkapanalo bilang Brgy. Kapitan. (O ano, aangal ka pa?).
Ang druglord at jueteng lord ang mga “pasaway” na sumusuway sa batas at sila ‘yung nabibilang sa mga tinatawag na “iligalista” na ang perang kinikita nila ay galing sa maruming kwarrrrta…
Kaya ganoon na lang ang pagkontra ni Pang. Duterte sa Barangay at Sangguniang Kabataan Election na naging dahilan upang ipa-postpone ang nasabing halalan dahil baka nga naman manalo ang mga iligalista.
Una, paano nga naman magsisilbi nang maayos ang isang kandidatong iligalista kung kuwestiyunable ang kanyang pagkatao. Eh, hindi mo nga alam kung saan galing ang sangkatutak na perang ipinamumudmod nito, ‘di ba?
Yaman din lamang na pinag-uusapan natin ang mga iligalista, may isang kumakandidato sa pagka-chairman sa Malabon ang tila grabe kung maglustay ng kanyang “datung.”
Palibhasa ang pera ni iligalista ay galing sa iligal na paraan kaya ganon na lamang kung magtapon siya ng kanyang “datung” para masiguro niya ang kanyang pagkapanalo bilang tserman. Sino siya? Siya ay si Mr. DC ng Brgy. C na kilalang-kilala sa Bureau of Customs sa bansag na ‘‘Botcha King.” Tsinismis lang po ‘yan ng aking tipster.
Heto pa ang matindi. Ang inaangkat na karne ni Mr. DC ay galing sa ibang bansa (Wow imported ha), pero huwag ka, ito pala ay ‘frozen’ dahil nagtatagal daw ito ng buwan at taon. Dahil ‘frozen’, aba’y banta ito sa kalusugan ng sinomang nakakakain nito.
Isang patunay ay marami na raw ang nagkasakit sa mga nakakain ng “hot meat” ni Mr. DC pero nagawan ng lahat ng paraan ni Mr. DC ang pananagutan nito dahil ang lahat ng mga naging biktima ay nakuha niya sa suhol. Absuwelto siya.
Alam naman natin na galit si Pang. Duterte sa mga iligalista gaya ni Mr. Botcha King dahil wala siyang pinagkaiba sa mga kandidato na ang negosyo ay iligal at ang gusto ni Presidente ay matalo ang mga ito sa darating na May 14 election.
Kaya, kayong mga botante, mag-ingat sa mga tumatakbong chairman gaya ni ‘Mr. DC.’ Baka mabotcha kayo ng ‘Botcha King’ na ‘yan.
Sana ay maging matalino kayo sa pagpili ng kandidato sa May 14. Vote wisely at huwag ninyong ipagbili ang inyong karapatan,pera lang ‘yan!
NAPAPAIKUTAN NG GAMBLING OPERATOR
PATULOY at tila wala na yatang takot ang opertor ng puwesto pijo ng illegal na pasugalang drop ball ni Aket IBASAN sa Mangaldan,Pangasinan dahil wala kasing ipingmamalaki si alyas Aket na pamilya siya ng mga IBASAN.
MAGING si Mangaldan-PNP COP Supt.Jay Bayabayan ay tila napapaikutan dahil sa lingguhang intelihensiya na ipinamumudmod ni alyas Aket.
Anomang puna o reklamo i-text sa 09189274764,09366728269 o i-email sa juandesabog@yahoo.com JUAN DE SABOG/JOHNNY MAGALONA
