SORRY na lang sa ilang senador na maaaring umasang makatatanggap ng “bonus” sakaling maabsuwelto nila si Ma. Lourdes Sereno kung umabot sa Senate Impeachment Court ang kaso nito.
Mukhang moot and academic na ang pagkakasibak kay Sereno bilang Chief Justice sa bisa ng Quo Warranto na nagpatunay na hindi siya kwalipikado sa anomang posisyon sa hukuman for lack of integrity.
Hindi siya nagsumite ng sworn Statement of Assets, Liabilities & Networth (SALN) sa loob ng 10 taon at kabaligtaran ng grounds for impeachment ni ex-CJ Renato Corona na diumano’y nagsinungaling sa kanyang SALN.
Ngayon, may mga naghihinala na susuhulan ang ilang senador kung sakaling umabot sa impeachment trial ang kaso ni Sereno na isasampa dapat ng House of Representatives tulad ng nangyari sa kaso ni Corona.
Matatandaan na inamin ng ilang senador na nakatanggap sila ng milyon-milyong piso bawat isa makaraang husgahan nilang “guilty” at patalsikin si Corona noong May 29, 2012.
Sa sumunod na taon, ibinulgar ni dating Senador Jinggoy Estrada sa kanyang privilege speech ang panunuhol sa mga senador na pumayag na bumoto laban kay Corona.
Inamin ng ilang senador ang alegasyon at nabulgar nga ang bilyon-bilyong piso mula sa Disbursement Acceleration Program (DAP), ang pork barrel at intelligence funds ni dating Pangulong Noynoy Aquino.
Hindi maituturing na “fake news” ang paghihinala ng taumbayan na nag-aabang ng pa-bonus ang ilang buwaya dahil hitik pa sa nakaw na yaman ang kampo ng dilawan.
Iyan siguro ang inaasam ng kampo ni Sereno, ang umabot sa Senate impeachment court ang kaso niya dahil sa pamamagitan ng latak ng DAP ay absuwelto siya sigurado.
Ayos sana ang buto-buto. Pero naunsiyami dahil sa Quo Warranto, haha!!! Immediately executory ang pagpapalayas kay Sereno sa Hukuman.
