19-1 landslide at muntik nang maka-sweep ang Liberal Party sa Marikina … ang shoe capital, na ngayon ay tinuturing na rin bilang bike capital at sports hub ng bansa.
Ang puwersa na mahigit 20,000 na dumalo at nagmartsa noong foot parade at miting de avance ay indikasyon ng lakas ng grupo nila Mayor Del, Cong Miro at Vice Cadiz. Mantakin mo na Biyernes pa ‘yon ginawa … ano pa kaya kung walang pasok noon? Malamang doble pa ang bilang ng dumalo!
Para magka-ideya kayo kung gaano karami ang puwersang ito – kinunan ko ng video sa isang puwesto lang habang nakaupo sa bike ang simula ng parade hanggang matapos – mahigit pitong minuto ng tuloy-tuloy na daloy ng mga taong naglalakad at okupado halos ang dalawang lane ng J.P. Rizal sa tapat ng bahay ng tatay ni Mayor Del. Mga taga-Brgy.
Nangka, Parang at Concepcion Uno pa lang ‘yon. Iba pa ‘yung dumagdag na libo-libong tao pagdaan sa Tumana. Wala pa riyan ang Concepcion Dos, Marikina Heights, Fortune at buong District 1!
‘Pagdating ng Bayan-bayanan Ave., nagsalubong sa kanto ng JP Rizal ang mga taga District 1 & 2. Noon lang ako nakakita ng ganoong karaming tao sa Marikina!
Sakop ang buong Bayan-bayanan, nagmartsa ang mahigit 20,000 tao hanggang umabot sa ginanap na Miting de Avance sa kanto ng Molave.
Pagbati kina Harvey Curry ng Batang Coop at kay Kagawad Jane dela Rosa ng LP Headquarters at kanilang mga leader at staff sa successful show of force and support na ito.
Nakita ko rin d’un sina Kap. Randy ng Nangka, Kap Levy ng Parang, Kapitana Riza ng Fortune, Kap Ziffred ng Tumana, at Kap Barako ng Sto. Niño.
Pasensya po sa mga ‘di ko nabanggit na Kapitan.
Samantala, andito kami ng kuya kong balikbayan na si Michael Stephen sa aming hometown sa Alaminos, Pangasinan para bisitahin ang erpat kong si Atty. Teo-doro Sison sa kanyang ika-81 na na kaarawan.
Malungkot para sa akin ang pagbisitang ito kasi hindi pinalad na manalo ang kamag-anak naming si Nani Braganza sa pagka-governor ng Pangasinan. Isa pang malungkot na balita ay natalo rin ang anak niya sa pagka-mayor dito sa Alaminos.
Malungkot, dahil hindi taga-Alaminos ang nanalo – si former Rep. Arthur Celeste na taga-Bo-linao. Pero, gan’un talaga ang buhay. Sana, mahigitan na lang niya ang lahat ng nagawa ni Bossing Nani dito sa aming minamahal na bayan ng Hundred Islands.
